وصفات جديده لتبييض الركب والاكواع 2013 - وصفات مجربه لتبييض اليدين والركبتين 2013

[راقـيــۂ بذوقـۓ]

2013, لتبييض, مجربه, اليدين, الركب, جديده, والاكواع, والركبتين, وصفات

السلام عليكم ،،

حبيت أشارككم بعض تجاربي الناجحة يمكن وحده منكم تستفيد أو على الأقل اقدم لكم معلومة مفيدة من خلال الموضوع ..
موضوعي فيه شيء ذكرته بمواضيع سابقة لكن مجرد طريقة الاستخدام تغيرت فحصلت على نتائج مذهله بحمد الله



سمار مفاصل اليدين~

تكلمت من قبل عن اليدين كثير طفشتكم أدري
صح فتحت مع كريمات التبييض بس كذا ما تحسين فيها حيويه احس الجلد باهت لونه .. مع اني مستمره على الترطيب والماسكات والمقشرات
لكن للاسف جلدي كأنه جدار مايستجيب بسرعه

أكثر شيء فاااادني وفتح لي يدي كثيييييير


خليط الزيوت

أنا من زماااان أسويه لكن كنت استخدمه على فترات متباعده ليدي مرتين بالاسبوع تقريبا ولوجهي بعد
ولجسمي بس بعد الحمام المغربي ..

لكن يوم صرت احطه مرتين او ثلاث باليوم تغيرت يدي 180 درجة من ناحية

• الاسمرار في المفاصل
• ليونة الجلد ونضارته
• تجاعيد المفاصل خفت بشكل ملحوظ اقدر اقول بصدق 30% ..

كنت مصورة يدي عشان اثبت لكم مصداقية الموضوع واني ما اكتب لمجرد الكتابة لكن اختي هبت فيني يوم شافتها وقصصتها ونفس الشيء فشلتها اعذروني

وبعد مايزول الاسمرار اللي عندك خففي استعمالك للزيوت خليه مره باليوم او يوم بعد يوم

ليش؟

زيت الزيتون إن استعمل على جلد جاف متجعد يؤدي إلى ترطيبه وتحسن اللون الأسود وعودته إلى الطبيعي، وإن استعمل على جلد طبيعي بكثرة، أو تحت ضماد نايلون، فإنه قد يؤدي إلى تشكل الزيوانات والتهاب يشبه التهاب الجلد الدهني، وهذا قد يُعطي لوناً أسمراً أكثر من الجلد الطبيعي.
وهالكلام ينطبق على كل الزيوت ..


نبدأ بالمطلوب





زيت زيتون + زيت اللوز المر + زيت جنين القمح + محتوى كبسولات فيتامين e شريط كامل ونصف
دائما احاول اشتري الزيوت من شركة وادي النحل .. بالذات جنين القمح جربت غيره بس مو زيه في الفائدة


تحطي الزيوت بكميات متساوية ولو تقللي شوي من زيت جنين القمح لان ريحته قويه شوي

وتفرغي الكبسولات . اذا عندك علبة زجاج غامق افضل شيء .. بس أنا أبي اختصر وعشان يكون شكلها مقبول حطيتها بعلبة كريم قديم غسلتها ونظفتها وجففتها ..





علبه الكريم بلاستيك رقم البلاستيك 5



يعني أقدر استخدمها مره ثانيه اما لو كان البلاستيك رقم ثاني ما ينفع .. ترا هالقاعده تنطبق على الاكل بس انا أطبقها على كل شيء ..



معلومة عن دهن الجسم بالزيوت وعلاقتها بمشكلة نقط الساقين /

سبب بعض النقط اللي تكون عبارة عن لون في بصيلات الشعر يعني تشوفين لون في الساق على شكل نقط مو شعر لا لووون
وغالبا يكون لونه زي النمش او احمر هذا التهاب في جريبات الشعر (بصيلات الشعر )
و استعمال المواد الزيتية بكثرة او تحت غطاء كاتم مثل النايلون ، والملابس النايلون ايضا ، تساعد على تكرار ونكس الالتهابات في الأجربة الشعرية (بصيلات الشعر ) ، ولازم نلبس الملابس القطنية الناعمة .


نشوف بعض فوائد كل زيت :

زيت جنين القمح ~

يحتوي على نسبه عاليه من الفيتامينات وخاصة فيتامين ب1 ب2 ب5 هـ (E)
وبعض الاحماض الدهنية اوميغا 3،6

زيت اللوز المر ~

مصدر غني بفيتامين e و d والمغنيسيوم والكالسيوم

زيت الزيتون ~

يحتوي على نسب من الفيتامينات e, K ,d






اكزيما اليدين ~


كثير بنات سألوني عن علاج للاكزيما ..

وأنا اقولكم الحل النهائي

هو الوقاية من مسببات الحساسية .. اعرفي الاشياء اللي تسبب لك التحسس وابعدي عنه
في اشياء احيانا تكون عادية بالنسبة لك وماتعرفي انها هي السبب ..
القفلز (القفازات) راح تكون صديقك الدائم



البسي القطنية تحت القفلز البلاستيكي لازم



وفي بعض الناس يتحسسون من أي شيء حتى لو طلعت برا البيت من أي شي تمسكه تتحسس فحلك عزيزتي هو لبس القلفز القطني باستمرار .


الخطوة الثانية هي الترطييييييب


مرطبات مفيدة لليدين الجافة جدا القابلة للتحسس..

بايوديرما أتو ديرم

Atoderm PO zinc



كريم مرطب للجلد خال من العطور يناسب أي منطقه في الجسم
وصالح لاستخدامه للكبار والصغار
يحتوي على مرطبات للجلد تقوي الحاجز الجلدي ضد أي مثيرات للحساسية او من اضرار الجفاف الشديد
يحتوي على مركبات تحد من انتشار الكائنات الدقيقه المجهرية التي قد تسبب في احمرار وهيجان الجلد


سعره 105
حجم العبوة 100 مل
صيدليات الدواء


بيبانثين



يحتوي على البانثنول

مكان الشراء صيدليات الدواء السعر لايتعدى 13 ريال


بعض المرطبات المفيدة لليدين بشكل عام



نيتروجينا بنوعيه المركز و سريع الامتصاص ومرطب جونسون لليدين



مرطب افالون لليدين







اسمرار الأبطين ~

بأمانه ماكان عندي سمار معتبر يمكن تحسين المنطقة مو صافيه بس .. والسبب شوفوا احيانا من العجلة الواحد ماينتبه لأشياء خطييييرة ..
يعني كنت أزيل الشعر بإستمرار ببراون وأحط ديودرنت على طول وأطلع .. والنتيجة إلتهب الجلد وشايفة الاحمرار واللسع اللي حسيته بس تناحة وعجلة ..
المفروض ما نحط ديودرنت الا بعد 48 ساعة بعد إزالة الشعر ..
المهم استخدمت هذا الشيء العجيب ومدحته لكم من قبل من جد فعااااال ولايخوف آمن جدا






كريم white objctive من bioderma

وايت اوبجكتف من بايوديرما


طبعا ينفع لأي منطقة بالجسم يعني أحس من الذكاء انك تشترين شيء ينفع لكذا منطقة بجسمك .. << عشان انا كذا اسوي لازم امدح عمري هههه

بس من جد أنا كذا أشوفه حتى اسهل علي أحط منه على كل مكان وما انسى
أنا عندي طريقة ريحتني .. وأنا داخلة أتوضأ كل مرة أسوي لي شغلة مختفلة عشان ما انسى شيء
هذه الاشياء الخارجة عن الروتين المعتاد الصباحي والمسائي

المهم الكريم فتح لي المنطقه كلهااااا حتى في بقعه كذا بعيده عن الابط من زمااااان ماراحت حتى باحماض الفواكه
لكن هالكريم عجيب صراحه ..

قوامه خفيف تتشربه البشره بسرعه يكاد يكون معدوم الرائحة
المحتويات الفعاله فيتامين سي
يستخدم مرتين باليوم لمدة شهر
مكان الشراء :صيدليات الدواء
السعر 220 حجم العبوة 30 مل






اسمرار المنطقة الحساسة ~


عارفة كثير تهتمون بهالنقطة .. بأمانه أنا كنت مرتاحه من قبل يعني على الترطيب وبسسسس
وكررت هالجملة مليون مره ..انا أحس السمار مايجي الا من الجفاف ..

وبعدين قريت هالمعلومه من كلام طبيب طلعت صدق ... الترطيب يخلي الجلد يوازن من حدة التصبغ
بدون استخدام أي مبيضات اوغيره

وفي نفس الوقت نختار مرطب تمتصه البشره بسرعه ولا يترك اثر .. يعني ما يكون يدبق ويخلي المكان رطب بتنقلب العكس راح تكون بيئة مثالية للفطريات والبكتيريا التوازن حلو ومطلوب بالاضافة الى لبس الملابس القطنية وما تكون ضيقة جدا ونختار غسول خاص لهالمنطقة .


سبب شرائي لكريم التفتيح :

آثار دمامل جاتني .. تركت بقعه يعني مو بس الحبه لا حولها كمان اثر بني غامق جدا
يكفي الحالة النفسية والقلق مع الدمامل .. تركت اثر مو سهل مع اني ما سويت شيء خطأ في عنايتي بعلاجها بس هي كذا أصلا لازم تترك أثر ..



معلومه صغيره /

الدمامل تجي لما تقل مناعة الجسم .. وأحد اهم الاسباب اللي تقل مناعتي فيه وألاحظ هو الضغط النفسي ..ترا النفسية ايضا سبب الاكزيما الرئيسي .. فحطوا ببالكم تهدوا أعصابكم شوي..
والشيء الي ساعد اني ازلت الشعر بالمنطقة من الجذور (نتف) وانا عارفه انه مايناسبني بس وش تقولون
المهم .. الدمامل لازم لازم ماتعصريها ولاتحكيها ولا تحطين عليها أي شيء الا المرهم اللي يكتبه لك الطبيب
لان أي حركة او خطأ يؤخر شفاءها التام وتحطي عليها بلاستر عشان الاحتكاك وكذا مايفجرها قبل وقتها .


مصيبتي خفت ورجعت بنفس المكان يعني لكم أن تتخيلوا مدى البشاعه اللي تركتها ..

قلت خليني أجرب هالكريم مع ان الشركة نفسها مو عاجبتني بس قلت بأجرب.. وفيه اشياء ماعجبتني بالكريم لكن فعاااال جدا الحمدلله ..





عيوب الكريم :

اول شيء / ريحته ماحبيتهااااا بس مو شينه عطريه يعني بزود على كريم معالج
ثاني شيء/ الكريم ما تتشربه البشره بسرعه
ثالث شيء/ يترك أثر لأن الكريم ملون اصفر ويترك اثر

طبعا قلت باتركه واشتري بايوديرما حبيبي لكن قلت خليني اجربه شوي واعطيه فرصه هههه
طلع فعال ... بتلاحظين تأثيره بعد اسبوع من الاستخدام المنتظم ..


طريقة الاستخدام :

مرتين باليوم .. يدهن على الاماكن اللي ينمو فيها شعر افهموا يعني مايروح مكان ثاني لانه يحرق شوي لو راح مكان غلط


محتويات الكريم :

ليمون حامض , زيت اللوز . ملح حامض اللبن . ورق الزيتون , استر 4 واستر 7 زيت الزيتون ، عسل ، فيتامين سي ، ورق البقدونس ، استر 40 زيت الخروع ، حامض اللبن (لاكتيك اسيد)
مكان الشراء : صيدليات الدواء
السعر 80 ريال حجم العبوة 50 مل







الركب والاكواع ~


بما اني حذفت هالفقرة من موضوع سابق لي عشان كثرة الاسئله قلت اعطيكم معلومة مفيده بدون ماتحتارون في طريقة استخدام كريمات التقشير لأنها ممكن تجيب لك نتيجة عكسيه خصوصا للركب والاكواع بسبب الاحتكاك المستمر وايضا بنفس الوقت كريمات التقشير مفيده جدا لو عندك ركب خشنه ملئية بطبقات الجلد السميكة قبل تطبيق كريمات التبييض او غيرها ..

لو فيه وحده تعاني من الركب والاكواع اقولك رطبيييييييي لين تخلص كريماتك ههههههه
أكثر شيء مفيد لتصبغات الجسم هو الترطيب اليومي ..والركب والاكواع لو رطبتيها مرتين ما يصير شيء
فيه كريمات تعالج الجفاف في الجلد وتعيد له التوازن الطبيعي ..
عندك ليبو بيز



وفيه ريبير repair ماعاد لقيته بالصيدليات كنت اشتريه من صيدليات المواساة

طبعا لازم تقشرين جسمك بمعدل مرتين في الاسبوع ولاتحاولين تقشرين اكثر عشان التقشير لازم يكون متوافق مع عملية التجدد الخلوي يعني لما تقشرين كثير دمار للجلد بالتالي راح تلاقين مشاكل التهاب الجلد ثم التصبغ التالي للالتهاب ..


ولا تفركينها بقوة زمان كنت افركها في الحمام المغربي لين تحمر والا اشوفها تزداد اسمرارا وتركت هالشيء
اللي ذكرني في تصرفي هذا كلام دكتور في موقع كنت اتصفحه ..يقول ..بشكل مختصر من اهم اسباب التصبغ

• العرق ( اصحاب البشره السمراء )
• نقص فيتامينات ب
• التعرض للشمس
• الهرمونات باختلاف الاسباب اختلال هرموني او حتى حبوب منع الحمل ( قد يظهرتصبغ في الابطين والرقبه )
• مرض السكر ( قد يظهر تصبغ في اعلى الظهر )
• الاحتكاك ومن ضمنها الفرك اثناء التنظيف
• الجفاف او استعمال صوابين قوية لذلك الخلطات الصابونيه الهابين فيها ماتنفع للبشره الجافة او اللي عندها حساسية
• العطور خاصة عند اصحاب التهاب الجلد الضيائي
• البنيه الاكزيمائية


مرطبات جيده للجسم /







اتمنى اكون وفقت في الطرح ..
منقوول .. ..

المصدر: منتدى الشقرديه - من قسم: منتدى عالم حواء - اسرار البنات - عالم النساء

---

,wthj []d]i gjfddq hgv;f ,hgh;,hu 2013 - l[vfi hgd]dk ,hgv;fjdk

[ضحكة خجولة]

[عاشق رومنسى]

يسلمواا
الْلَّه يُعْطِيـــــك الْعــافِيَّة
دمت بالف خير
لك أرق التحيـآآ